ҶАМЪОВАРИИ ЗИРОАТҲОИ ПОЛЕЗӢ ДАР АРАФАИ АНҶОМЁБИСТ

Душанбе, 24 сентябр. (АМИТ «Ховар», Лаззат Диловарзод).- Имрӯзҳо дар корхонаҳои кишоварзӣ ва хоҷагиҳои деҳқонӣ (фермерӣ) ҷамъоварӣ ва захира намудани зироатҳои полезӣ давом дорад. Соли ҷорӣ дар майдони 7 ҳазору 890 гектар кишти зироатҳои полезӣ гузаронида шудааст, ки то имрӯз ҳосили 5896 гектари он ҷамъоварӣ карда шудааст. Ҷамъоварии ҳосили имсола нишон медиҳад, ки хоҷагиҳои деҳқонӣ ва фермерӣ нисбат ба соли гузашта захираи зироатҳои полезиро зиёд карданд. Тибқи нақша то 15 сентябр 121 ҳазору 621 тонна ҳосил ҷамъоварӣ карда шудааст , ки он баробари 80 фоизи нақшаи пешбинишуда мебошад. Ҳосилнокии ҳар гектар зироатҳои полезӣ соли ҷорӣ ба 173 сентнерӣ расонида шудааст, ки нисбат ба соли гузашта 11 сентнерӣ зиёд мебошад.