АЗ ИСТЕЪМОЛИ МАВОДИ НАШЪАОВАР СОКИНИ ПОЙТАХТ БА ҲАЛОКАТ РАСИД

Душанбе, 18 сентябр. (АМИТ «Ховар», Мавҷуда Давлатзода).- Истиқоматкунандаи кӯчаи Ломоносови пойтахт Нозиршо Хушвақтови 40-сола 17 сентябри соли 2008 тақрибан соати 15 дар ҳолати беҳушӣ ба беморхонаи клиникавиии шаҳрии № 5 оварда шуд. Духтурон маълум карданд, ки ӯ дар натиҷаи истеъмоли аз ҳад зиёди нашъа аз ҳуш рафтааст. Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, ки Н. Хушвақтов дар шифохона ба ҳуш наомада, пас аз чанд дақиқа вафот кард.