БОЗДИДИ ВАЗИРИ ТАНДУРУСТӢ АЗ ВОДИИ РАШТ

Душанбе, 5 сентябр. (АМИТ «Ховар», Ибодат Давлатова). — Аз 2 то 4 сентябри соли 2008 вазири тандурустии ҷумҳурӣ Нусратулло Салимов ва гурӯҳи мутахассисони вазорат барои шиносоӣ бо фаъолияти муассисаҳои табобатӣ ва расонидани кӯмак ба онҳо ба ноҳияҳои Рашт, Тавилдара, Тоҷикобод ва Ҷиргатол анҷом доданд. Бояд гуфт, ки Маркази идораи барномаи ислоҳоти соҳаи тандурустии Тоҷикистон бо маблағи Бонки Рушди Осиё шӯъбаи бемориҳои дохилии Шифохонаи марказии ноҳияи Рашт, Бунгоҳи саломатии деҳаҳои Дашти Рашт, Шоиндара ва Маркази саломатии деҳаи Ҳичборакро сохта ба истифода дод. Барои сохтмони ин муассисаҳои тиббӣ қариб 115 ҳазор доллари ИМА сафар шуд. Ҳамчунин, бо дастгирии Маркази мазкур дар ноҳияи Рашт Маркази байниноҳиявии таълимӣ — клиникии тиббӣ, ки дорои мебелу таҷҳизоти замонавӣ мебошад, барои бозомӯзии мутахассисони тибби оилавӣ аз ноҳияҳои Нуробод, Тавилдара, Тоҷикобод ва Ҷиргатол ба фаъолият шурӯъ намуд. Вазир зикр намуд, ки вазорат ва мутахассисони он минбаъд ҳам ба муассисаҳои тиббии минтақа ёри хоҳанд расонд.