БОЗОРИ МЕҲНАТ

Душанбе, 26 сентябр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, аз шумораи умумии аҳолии ба кор машғул, шумораи дар рӯихатбудаи кироякорон дар корхонаҳои ҳамаи шаклҳои моликият дар моҳи июли соли 2008 – ум 1 миллиону 40 ҳазор нафар ё 50,7 фоизи шумораи умумии аҳолии машғули корро ташкил дод. Шумораи дар рӯихат будаи кормандони кироя дар моҳи июли соли 2008 нисбат ба моҳи июни соли ҷорӣ 0,2 фоиз зиёд ва нисат ба моҳи июли соли 2007 – ум бошад 0,8 фоиз кам шудааст. Дар соҳаи истеҳсолоти неъматҳои моддӣ шумораи кормандони кироя 0,5 фоиз зиёд шуда, 690,8 ҳазор нафар ва дар соҳаи ғайриистеҳсолӣ 0,9 фоиз кам шуда 315,3 ҳазор нафарро ташкил дод.