ДАРАВИ ГАДУМ ДАР АРАФАИ АНҶОМЁБИСТ

Душанбе, 11 сентябр. (АМИТ «Ховар», Лаззат Диловарзод).- Бино ба маълумоти фаврии Раёсати растанипарварии Вазорати кишоварзӣ, дарави гандум дар арафаи анҷомёбист. То 11 сентябр аз масоҳати 220 ҳазору 389 гектар гандуми киштшуда 189 ҳазору 808 гектари он даравида шудааст, ки ба 88,1 фоизи нақша баробар аст. Ҳосили 181 ҳазору 811 гектар кӯфта гирифта шуд, ки ин нисбат ба ҳамин давраи соли 2007 33 ҳазору 951 гектар зиёд аст. Ҳосилнокии заминҳои кӯфташуда аз 1 га 19 сентнериро ташкил медиҳад, ки ин нисбат ба соли гузашта 2,8 сентнерӣ бештар аст. Ҳосили умумии гандуми ҷамъовардашуда 345 ҳазору 11 тонна мебошад, ки дар муқоиса ба соли 2007 64 ҳазору 317 тонна зиёд мебошад.