ФИЛМҲОИ ТОҶИКӢ БОРИ АВВАЛ ДАР ҶАШНВОРАИ КИНОИ «РУСИЯ» ИШТИРОК МЕКУНАНД

Душанбе, 26 сентябр. (АМИТ «Ховар», Таҳмина Ғоибназарова). – 1 октябр дар шаҳри Екатеринбург ҷашнвораи ҳарсолаи миллии филмҳои мустанади «Русия» кушода мешавад. Ҷашнвораи мазкур ба мулоқоти навбатии сарони давлатҳои аъзои Созмони Ҳамкории Шанхай бахшида шудааст, ки дар Екатеринбург баргузор мегардад. Дар ҷашнвора филмҳои мустанади истеҳсоли мамлакатҳои соҳили Балтика ва ИДМ иштирок мекунанд. Аз Тоҷикистон дар он чор филми мустанад – филмҳои «Ғаллаи Раштон» — и Ш. Солеҳ, «Гулбек» — и Р.Маилов, «Ишкошимиён» — и гурӯҳи муаллифони «Тоҷиксервис» ва берун аз озмун филми бадеии «Ман бо духтаре вохӯрдам» намоиш дода мешаванд.