КӮМАКИ АГЕНТИИ РУШДИ БАЙНАЛХАЛҚИИ ИМА БА РУШДИ ТИҶОРАТ
Душанбе, 11 сентябр. (АМИТ «Ховар», Фарангис Раҳимова). — Муассисаи минтақавии Агентии рушди ҳамкориҳои байналхалқии ИМА дар Осиёи Марказӣ ба соҳибкорону тоҷирон ва майдасавдогарон барои осонтар сохтани хариди мол дар мамлакатҳои хориҷӣ, аз сарҳадҳо гузаронидани мол ва бартараф сохтани монеаҳои гуногун кӯмаки молиявӣ мерасонад. Муассисаи мазкур ба соҳибкорону тоҷирони маҳаллӣ, хусусан занон барои ба роҳ андохтани фаъолияти тиҷоратӣ, аз ҷумла, дар минтақаҳои наздисарҳадӣ кӯмаки зарурии пулӣ хоҳад расонд. Муассиса бо ин мақсад барномаи махсусро дар Қазоқистон, Қирғизистон ва Тоҷикистон амалӣ месозад. Барои иҷрои барнома дар Тоҷикистон тақрибан 40 ҳазор доллар, дар Қирғизистон 60 ҳазор доллар ва дар Қазоқистон 85 ҳазор доллар ҷудо карда шудааст. Мӯҳлати иҷрои барнома 18 моҳ муқаррар гардидааст. Муассисаи минтақавии Агентии рушди байналхалқии ИМА ба осонтар сохтани шароити тиҷорат, рушди иқтисодиёт ва рақобатпазирии он дар ҷумҳуриҳои Осиёи Марказӣ мусоидат менамояд.
Муассисаҳои таълимӣ ноҳияи Муъминобод ба зимистонгузаронӣ омода карда мешаванд
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
