КӮМАКИ ВАЗОРАТИ ЭНЕРГЕТИКА ВА САНОАТ БА НИЁЗМАНДОН

Душанбе, 11 сентябр. (АМИТ «Ховар», Лаззат Диловарзод).- Бино ба иттилои Маркази матбуоти Вазорати энергетика ва саноат ба муносибати рӯзи истиқлолияти ҷумҳурӣ тибқи супориши Сарвари давлат Эмомалӣ Раҳмон дар бораи дастгирии ниёзмандон, Вазорати энергетика ва саноат ба маблағи 6 ҳазор сомонӣ бошандагони хона- интернати ноҳияи Темурмаликро бо маводи ғизоӣ таъмин намуд. Маводи ғизоиро, ки аз қабили шакар, биринҷ, макарон, намак, равған ва орд иборат буд, раиси иттифоқҳои касабаи вазорат Абдувоҳид Касиров ва мушовири вазир Муҳобулло Ҳамидуллоев ба бошандагони хона- интернат расониданд. Кӯмаки дигар, ки аз сару либоси гарми зимистона иборат аст ва маблағи он 6750 доллари ИМА — ро ташкил медиҳад, то рӯзи иди Рамазон ба бошандагони ин хона- интернат расонида мешавад.