КОМПЮТЕР — КИТОБХОНА

Душанбе, 11 сентябр. (АМИТ «Ховар», Лаззат Диловарзод).- Китобхонаи шаҳрии ба номи Абулқосим Лоҳутӣ 75- сола шуд. Бино ба гуфти директори китобхонаи мазкур Аброри Зоҳир хазинаи китобхона дорои 63- ҳазор китоб аст. Дар китобхона воситаи алтернативии омӯзиш ба роҳ монда шудааст. Дар 7 компютери филиали якуми китобхона 350 ҳазор нусха китоб ҷой дода шудааст. Дар бинои марказии китобхона бо мақсади ба компютерҳо кӯчонидани китобҳо утоқе ҷудо карда шудааст ва бо фароҳам омадани шароит тамоми хазинаи китобхона ба компютер кӯчонида мешавад, ки ин роҳ барои омӯзиш қулай ва дастрасии китоб ба хонандагон хеле осон аст.