КОРГОҲИ НАВИ ҶАМЪИЯТИ САҲОМИИ «ОБИ ЗУЛОЛ» БА КОР ШУРӮЪ КАРД

Душанбе, 10 сентябр. (АМИТ «Ховар», Людмила Дубинина). –Рӯзи таҷлили Иди истиқлолияти ҷумҳурӣ дар Ҷамъияти саҳомии «Оби зулол» — и шаҳри Истаравшан коргоҳи нави истеҳсоли оби мева ба фаъолият шурӯъ намуд. Директори генералии корхона Нуриддин Обидҷонов ба мухбири АМИТ «Ховар» хабар дод, ки яке аз сарпарастони Ҷамъияти саҳомӣ — ширкати «Бойбарс» барои коргоҳи нав дастгоҳҳои сохти ширкати «Тетрапак» — и Швейтсарияро харидорӣ намуд. Коргоҳи нав як рӯз пеш аз Иди истиқлолият аз санҷиш гузашт. Дар он дар як соат 6000 литр оби мева истеҳсол карда мешавад. Дар коргоҳи нави Ҷамъияти саҳомии «Оби зулол» навъҳои гуногуни оби зардолую шафтолу, гелос, себ, афлесун ва ғайра истеҳсол карда хоҳад шуд. Дар коргоҳ аз меваи хоҷагиҳои вилояти Суғд ҳамчун ашёи хом истифода бурда мешавад. Директори корхона зикр намуд, ки маҳсулоти он ояндаи наздик ба муассисаҳои савдои Тоҷикистон фиристода хоҳад шуд.