КУМАКИ ПРЕЗИДЕНТ БА ВОДИИ РАШТ

Дар арафаи иди саиди фитр бо Амри Президенти Ҷумҳурии Тоҷикистон Эмомалӣ Раҳмон аз ҳисоби Фонди хайрияи Тоҷикистон барои расонидани кўмак ба иштирокчиён ва маъюбони Ҷанги Бузурги Ватанӣ, оилаҳои камбизоат, маъюбону шахсони бесаробон, оилаҳое, ки зиёда аз ду маъюб доранд ва ятимону табриятгирандагони  мактаб-интернатҳои водии Рашт – ноҳияҳои Рашт, Нуробод, Тоҷикобод, Ҷиргатол ва Тавилдара зиёда аз 430 тонна маводи хўрока, аз ҷумла 190 тонна орд, 80 тонна шакар, 45 тонна равған, 80 тонна биринҷ, 45 тонна макарон ва дигар маҳсулоти озуқаворӣ фиристода шуд.         Маҳсулоти зикргардида аз ҷониби гурўҳҳои кории Ҳукумати Тоҷикистон, Дастгоҳи иҷроияи Президент ва Фонди хайрияи Тоҷикистон ба 3300 оила тақсим карда мешавад.         Инчунин аз Фонди захиравии Президенти Ҷумҳурии Тоҷикистон ба 900 нафар ятимон ва тарбиятгирандагони мактаб-интернатҳои ноҳияҳои  зикршуда сару либос ва барои сад нафар эҳтиёҷмандон аробачаҳои маъюбӣ харидорӣ карда, фиристода шуд.         Ин иқдоми наҷибона ва башардўстонаи Ҷаноби Олӣ дар моҳи шарифи Рамазон ва дар арафаи иди саиди Фитр намунаи олии инсондўстӣ мебошад ва умед аст, ки роҳбарони вазорату идораҳо, ташкилоту муассисаҳо ва корхонаҳо, соҳибкорону тоҷирон ва умуман ҳамаи онҳое, ки имкону тавони моддиву молиявӣ доранд, аз ин иқдоми нек дастгирӣ ва пайравӣ карда, соҳиби савоби зиёд мегарданд.