МАБЛАҒИ ҚАРЗИ «ОРИЁНБОНК»

Душанбе, 12 сентябр. (АМИТ «Ховар», Покиза Маҳмадбекова). — Маблағи барои додани қарз ҷудонамудаи Ҷамъияти саҳомии «Ориёнбонк» то 1 сентябри соли 2008 – ум 611 миллиону 82 ҳазор сомониро ташкил дод. Бонк то моҳи сентябр аз ин маблағ ба муассисаҳои тиҷоратӣ бо пули миллӣ ба андозаи 79,58 фоиз, ба корхонаҳои соҳаи кишоварзӣ 15,24 фоиз, ба корхонаҳои давлатӣ 1,35 фоиз ва ба шахсони воқеӣ 3,83 фоиз қарз додааст. Қарзи бо асъори хориҷӣ додаи бонк ба муассисаҳои тиҷоратӣ дар ин муддат 51,72 фоиз, ба корхонаҳои кишоварзӣ 19,83 фоиз, ба корхонаҳои давлатӣ 28,24 фоиз ва ба шахсони воқей 21 фоизи маблағи зикршударо ташкил медиҳад.