МУСОБИҚА БАРОИ БА ДАСТ ОВАРДАНИ ҶОМИ РАИСИ КОНФЕДЕРАТСИЯИ ФУТБОЛИ ОСИЁ ДАВОМ ДОРАД

Душанбе, 20 сентябр. (АМИТ «Ховар», Пайрав Назаров).- Қувваозмоии хотимавии мусобиқаи дастаҳои футболи мамлакатҳои Осиё барои ба даст овардани Ҷоми Конфедератсияи футболи Осиё пагоҳ 21 сентябр дар пойтахти Қирғизистон шаҳри Бишкек баргузор мегардад. Пагоҳ дар доираи мусобиқаи мазкур дастаи футболбозони «Регар — Тадаз» — и Тоҷикистон ба соҳибони майдон — дастаи «Дурдой — Динамо» қувваозмоӣ мекунанд. Мухбири АМИТ «Ховар» хабар медиҳад, ки мусобиқаи мазкур қувваозмоии хотимавии соли 2005 — ро ба хотир меорад. Ҳамон сол дастаи футболбозони «Регар — Тадаз» дар пойтахти Непал –шаҳри Катманду дастаи «Дурдой- Динамо» — ро бо ҳисоби 3:0 мағлуб карда буд .