МУСОБИҚОТИ ҚАҲРАМОНИИ ТАЭКВОНДОЧИЁН ДАР ТОШКАНД

Душанбе, 18 сентябр. (АМИТ «Ховар», Пайрав Назаров). – 17 сентябр дар шаҳри Тошканд мусобиқоти қаҳрамонии ҷаҳон дар намуди варзиши таэквондо оғоз ёфт. Мусобиқа таҳти сарпарастии Ассосиатсияи таэквондои Осиё гузаронида мешавад. Дар он варзишгарони 50 мамлакат иштирок доранд. Мухбири АМИТ «Ховар хабар медиҳад, ки шарафи Тоҷикистонро дар ин мусобиқа варзишгарон Парвиз Муродзода, Парвиз Маҳмудов, Улуғбек Аҳмадов, Некрӯз Алибеков, Ҷаҳонгир Мирзоев, Зиёбек Орифҷон, Иззат Фузайлов, Абӯбакри Бозор, Мурод Кишоев, Нигора Ҳамидова, Елена Мухторова, Зӯҳро ва Фотима Холоваҳо, Маҳинахон Нарзуллозода, Сабина Тағойназарова ва Надима Раҳимзода ҳимоя мекунанд. Ба ҳайати Тоҷикистон инчунин доварон Муҳаммадҷон Тоҷибоев, Эркинҷон Латифов ва тренерҳо Фурқат Урунов, Далер Тӯраев ва Далер Сайфиддинов шомиланд.