НАЗАРИ ОЛИМ БА СОҲАИ ЖУРНАЛИСТИКА АЗ НИГОҲИ БИБЛИОГРАФИЯ

Душанбе, 11 сентябр. (АМИТ «Ховар», Бурҳониддин Каримзода).- Олими шинохтаи тоҷик Иброҳим Усмонов, ки муаллифи таҳқиқоти зиёдест оид ба журналистикаи кишвар, ин дафъа ба ин соҳа аз нигоҳи библиографӣ назар кард. Китобчаи навбатии вайро бо номи «Назаре ба таҳқиқот дар соҳаи журналистика (Хулосаи таҳлилию библиографӣ)» Пажӯҳишгоҳи фарҳанг ва иттилооти Вазорати фарҳанги Ҷумҳурии Тоҷикистон аз чоп баровард. Он тавсифу хулосаҳои библиографии таҳқиқоти солҳои мухталиф анҷомдодаи таҳлилгарон, журналистони собиқадор ва марказҳои иттилоотиро дар бар мегирад. Китобча дар матбааи нашриёти «Эҷод» ба нашр расидааст.