НОМУРАТТАБИИ ТАЪМИНОТИ ҚУВВАИ БАРҚ ДАР БАЪЗЕ МАҲАЛҲОИ ПОЙТАХТ

          Душанбе, 13 сентябр. (АМИТ «Ховар», Мавзуна Бойева). — Дирӯз, 12 сентябр интиқоли қувваи барқ ба баъзе биноҳои кӯчаи ба номи Алишери Навоӣ ва маҳаллаи 101 -уми пойтахт дар давоми чанд соат қатъ гардид. Аз Шабакаи барқи шаҳри Душанбе ба АМИТ «Ховар» хабар доданд, ки сабаби ин носозии хати интиқоли қувваи барқ мебошад. Хабар дода мешавад, ки гурӯҳи тармимгарон сари вақт носозиро бартараф кард ва баъди чанд соат ба хонаҳои сокинони маҳаллӣ қувваи барқ дода шуд.          Тавре АМИТ «Ховар» хабар дода буд, вобаста ба хеле паст гардидани сатҳи оби дарёи Вахш ва обанбори Норак аз 11 сентябр сар карда, таъминоти қувваи барқ дар ҷумҳурӣ маҳдуд карда шуд. Вале ин маҳдудият алҳол ба пойтахти ҷумҳурӣ дахл намекунад. Қувваи барқ ба корхонаҳои саноатие, ки қарздор нестанд, мувофиқи ҷадвали муқарраргардида дода мешавад.                                       Тарҷумон — Қудратов А.