ОМОДАГӢ БА МАВСИМИ ТИРАМОҲУ ЗИМИСТОН

Душанбе, 11 сентябр. (АМИТ «Ховар», Лаззат Диловарзод).- Бино ба иттилои раиси ноҳияи Тавилдара Ҳиматшо Ғайратов, соли ҷорӣ барои гузаронидани мавсими тирамоҳу зимистони соли 2008-2009 аз ҳисоби буҷаи маҳаллӣ 216 ҳазору 434 сомонӣ ҷудо карда шуд. Аз ин ҳисоб 134 ҳазору 843 сомонӣ барои гармидиҳӣ, 73 ҳазору 741 сомонӣ барои истифодаи қувваи барқ ва 7ҳазору 820 сомонӣ барои пардохти ҳаққи коммуналии муаллимону кормандони соҳаи тиб пешбинӣ гардидааст. Ҳоло ба 54 муассисаи таълимӣ бештар аз 270 тонна ангишт тақсим карда шуд. Ҳамаи муассисаҳои соҳаи маориф ва тиббии ноҳия барои зимистонгузаронӣ бо ангишт таъмин карда шудаанд. Дар се маркази ҷамоати деҳот нуқтаи фурӯши ангишт ташкил карда шудааст.