ПРЕЗИДЕНТИ ҶУМҲУРӢ БА КОРМАНДОНИ АМИТ «ХОВАР» МУКОФОТ СУПОРИД

             Душанбе, 2 сентябр. (АМИТ «Ховар», Темур Бандишоев). — Президенти ҷумҳурӣ Эмомалӣ Раҳмон имрӯз ба муносибати солгарди навбатии истиқлолияти давлатии Тоҷикистон ба гурӯҳи калони намояндагони касбу кори гуногун мукофотҳои давлатӣ супорид. Дар байни онҳо кормандони воситаҳои ахбори оммавӣ низ ҳастанд. Аз ҷумла, муовини аввали директори Агентии миллии иттилоотии «Ховар» Зевар Давлатова бо ордени «Шараф» (дараҷаи якум), сармуҳаррири агентӣ Виктор Козлов бо ордени «Дӯстӣ» ва мусаҳҳеҳи шӯъбаи тарҷумаҳои агентӣ Мунира Саидова бо «Ифтихорнома» — и Президенти ҷумҳурӣ сазовор гардиданд.  Тарҷумон — Қудратов А.