РӮЗҲОИ ФАРҲАНГИ ТОҶИКИСТОН ДАР ТУРКМАНИСТОН СОЛИ ОЯНДА МЕГУЗАРАНД

            Душанбе, 3 сентябр. (АМИТ «Ховар», Таҳмина Ғоибназарова). — Аз вазорати фарҳанги ҷумҳурӣ ба муҳбири АМИТ «Ховар» хабар доданд, ки Рӯзҳои фарҳанги Тоҷикистон дар Туркманистон соли оянда баргузор карда мешаванд. Тибқи паймони қаблан бадастомада, Рӯзҳои фарҳанги Тоҷикистон дар ин мамлакат мебоист нимаи дуюми моҳи сентябри соли равон баргузор мегашт.           Мухбири АМИТ «Ховар» хабар медиҳад, ки маркази эҷодии «Илҳом» ба Рӯзҳои фарҳанги Тоҷикистон дар Туркманистон ҳамаҷониба тайёрӣ дид. Дар доираи Рӯзҳои фарҳанги Тоҷикистон дар Туркманистон барномаи калони консертӣ таҳия карда шуд, театри драммавии ба номи Маяковский ду намоишномаро таҳия намуд, дар студияи «Тоҷикфилм» насби наворҳои кино анҷом дода шуд.           Дар маркази эҷодии «Илҳом» ба мухбири АМИТ «Ховар» гуфтанд, ки сабаби мавқуф гузоштани Рӯзҳои фарҳанги Тоҷикистон гузаронидани интихобот дар Туркманистон мебошад.                                                                                                                                      Тарҷумон — Қудратов А.