«РЕГАР – ТАДАЗ» СОҲИБИ ҶОМИ РАИСИ КОНФЕДЕРАТСИЯИ ФУТБОЛИ ОСИЁ ГАРДИД

 Душанбе, 22 сентябр. (АМИТ «Ховар», Пайрав Назаров).- Дастаи футболи «Регар — Тадаз» соҳиби Ҷоми раиси Конфедератсияи футболи Осиё гардид. Футболбозони тоҷик дар мусобиқа хотимавӣ бо дастаи «Дурдой — Динамо» — и Қирғизистон қувваозмоӣ карда, бо ҳисоби 4:3 ғолиб омаданд. Қувваозмоии хотимавӣ 21 сентябр дар Бишкек баргузор гардид. Мухбири АМИТ «Ховар» ёдовар мешавад, ки Ҷоми раиси Конфедератсияи футболи Осиё бори дуюм насиби дастаи футболбозони тоҷик гардид. Илова бар ин дастаи мазкур барои бозии софдилона соҳиби мукофоти махсус шуд. Дар хотимаи қувваозмоӣ узви даста Хуршед Маҳмудов бозингари беҳтарин дониста шуд.