СЕМИНАРҲОИ ОМӮЗИШӢ ДАР НОҲИЯҲОИ КӮҲИСТОН

 Душанбе, 22 сентябр. (АМИТ «Ховар», Бурҳониддин Каримзода).- Тавре иттилоъ дода будем бо ташаббуси Маркази идораи Лоиҳаи ислоҳоти системаи маорифи Ҷумҳурии Тоҷикистон, бо мақсади баланд бардоштани сатҳ ва сифати фаъолияти низоми идоракунӣ дар соҳаи маориф дар шаҳру навоҳии мамлакат семинарҳои омӯзишӣ мегузаранд. Имрӯз корманди Маркази зикршуда, доктори илмҳои педагогӣ, профессор Диловар Латифов, ба хабарнигори АМИТ «Ховар» хабар дод, ки алҳол машғулиятҳои семинар дар ду ноҳия — Айнӣ ва Қӯҳистони Мастчоҳ оғоз гардиданд. Машғулияҳоро олимону мутахассисони Донишкадаи такмили ихтисоси назди Раёсати хизмати давлатии Президенти Ҷумҳурии Тоҷикистон, Маркази идораи лоиҳаи ислоҳоти бахши давлатии назди Дастгоҳи иҷроияи Президенти Ҷумҳурии Тоҷикистон, Маркази идораи лоиҳаи ислоҳоти системаи маорифи Ҷумҳурии Тоҷикистон, Донишгоҳи славянии Тоҷикистону Россия мегузаронанд. Шунавандагони ин семинарҳо кормандони шӯъбаҳои маориф ва сарварони мактабҳои таҳсилоти умумӣ мебошанд. Дар ноҳияҳои зикршуда машғулиятҳои семинар то 30 сентябр идома меёбад.