ШАРТНОМАҲО АМАЛӢ МЕГАРДАНД

Душанбе, 19 сентября. (АМИТ «Ховар», Мавзуна Бойева). Вазорати нақлиёт ва коммуникатсияи Ҷумҳурии Тоҷикистон ҷиҳати раҳоии Тоҷикистон аз бунбасти коммуникатсионӣ иҷрои як қатор лоиҳаҳоро ба нақша гирифтааст. Лоиҳаи таҷдиди роҳи Душанбе — сарҳади Ҷумҳурии Қирғистон (Фазаи-1) аз зумраи чунин лоиҳаҳо мебошад. Тавре ба мухбири АМИТ «Ховар» дар Вазорати нақлиёт ва коммуникатсияи ҷумҳурӣ итиллоъ доданд, дар ин замина ҳамчунин иҷрои чанд лоиҳаи дигар, аз қабили таҷдиди роҳи автомобилгарди Вахдат – Оби — Гарм дарозиаш 74 км, бо сохтмони пулҳо дар километрҳои 39, 56, 57 ва 86 ба нақша гирифта шудааст. Пудратчии асосӣ — ширкати «Синохайдро»-и Чумҳурии Мардумии Чин буда, шартномаи дуҷониба бо ин ширкати чиноӣ 10 ноябри соли 2004 ба имзо расида буд. Оғози корҳои сохтмонӣ дар ин самт 20 январи соли 2005 сурат гирифт. Бино ба гуфтаи ҳамин манбаъ, қарор аст, моҳи августи соли оянда фазаи 1-и ин шоҳроҳ ба истифода дода шавад.