СИМПОЗИУМИ БАЙНАЛМИЛАЛИИ «РӮДАКӢ ВА ФАРҲАНГИ ҶАҲОН»
Душанбе, 5 сентябр. (АМИТ «Ховар», Бекназари Абӯбакр). –6-7 сентябр дар шаҳри Душанбе бахшида ба 1150-солагии Абӯабдуллоҳи Рӯдакӣ симпозиуми байналмилалӣ дар мавзӯи «Рӯдакӣ ва фарҳанги ҷаҳон» баргузор мегардад. Дар он намояндагони мамлакатҳои гуногун, аз ҷумла мамлакатҳои форсизабон иштирок мекунанд. Дар назар аст, ки дар симпозиум Президенти Тоҷикистон Эмомалӣ Раҳмон иштирок ва суханронӣ мекунад. Иштирокчиёни симпозиум дар чорабиниҳои бахшида ба 17-умин солгарди истиқлолияти давлатии Ҷумҳурии Тоҷикистон, 1150-солагии Абӯабдуллоҳи Рӯдакӣ ва Анҷумани ҳафтуми ғайринавбатии тоҷикони ҷаҳон «Пайванд» иштирок мекунанд. Олимону адибони тоҷик дар доираи симпозиум бо олимону адибони хориҷӣ мулоқот хоҳанд кард. Мухбири АМИТ «Ховар» хабар медиҳад, ки иштирокчиёни симпозиум Осорхонаи ҷумҳуриявии ба номи Камолиддини Беҳзод, Осорхонаи таъриху бостон ва мардумшиносии Академияи илмҳо, намоишгоҳи рассомони тоҷик, асари саҳнавии Театри давлатии академӣ-драммавии ба номи Абулқосим Лоҳутӣ «Рӯдакӣ» ва мақбараи Маликушшуаро Абӯабдуллоҳи Рӯдакиро дар деҳаи Панҷрӯди ноҳияи Панҷакент тамошо хоҳанд кард.
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
