СОХТМОНИ ТУННЕЛИ «ШАҲРИСТОН» БО СУРЪАТ ИДОМА ДОРАД

Душанбе, 15 сентябр. (АМИТ «Ховар», Бекназари Абӯбакр). — Дар қисмати шимолии туннели «Шаҳристон» 462 метр туннели мошингард канда шуд. Дар ин ҷо инчунин дар масофаи 272 метр туннели ҳавогузар ва дар қисмати ҷанубии он 1,8 километр туннели нақлиётӣ, қариб 2 километр туннели ҳавогузар канда шудааст. Ба қавли мутахассисон, туннели мазкур охирҳои соли 2009 ва аввалҳои соли 2010 ба истифода дода мешавад. Дар маҷмӯъ аз ҳар ду ҷониб 2244 метр туннели нақлиётӣ ва 2238 метр туннели ҳавогузар канда шудааст. Масофаи умумии туннел 5042 метр буда, пас аз ворид намудани тағйирот ба нақшаи он дарозии туннел 200 метр афзуд.