ВАЗЪИ ЧИНИШИ ПАХТА ДАР КИШВАР

Душанбе, 11 сентябр. (АМИТ «Ховар», Лаззат Диловарзод).- Тавре аз маълумоти расмӣ ва фаврии Раёсати растанипарварии Вазорати кишоварзӣ бар меояд, имрӯзҳо дар пахтазорони кишвар чиниши пахта босуръат давом дода мешавад. Тибқи нақша соли ҷорӣ дар ҷумҳурӣ ҷамъоварии 552 ҳазору 500 тонна пахта пешбинӣ шудааст. Дар асоси маълумоти фаврии Вазорати кишоварзии ҷумҳурӣ то 10 сентябр бештар аз 52 ҳазор тонна пахта ба хирмани умумӣ ворид гардидааст, ки ин баробари 9,42 фоизи нақша мебошад. Кишоварзони вилояти Хатлон то 10 сентябри соли ҷорӣ бештар аз 46 ҳазор тонна пахта ҷамъоварӣ намуданд.