ВАЗИРИ КОРҲОИ ХОРИҶИИ ҶТ ҲАМРОХОН ЗАРИФӢ БА ПАРИЖ РАФТ

Душанбе, 17 сентябр. (АМИТ «Ховар», Наргис Бояхмедова). — Вазири корҳои хориҷии ҷумҳурӣ Ҳамрохон Зарифӣ барои иштирок дар мулоқоти нахустини вазирони корҳои хориҷии мамлакатҳои аъзои Иттиҳоди Аврупо ва Осиёи Марказӣ бахшида ба масъалаҳои амният ба пойтахти Фаронса — шаҳри Париж рафт. Мулоқот 18 сентябр баргузор мегардад. Дар он вазирони корҳои хориҷии мамлакатҳои аъзои Иттиҳоди Аврупо, Осиёи Марказӣ ва намояндагони СММ, НАТО, СҲШ, Ҷомеаи иқтисодии Евразия ва СААД ширкат меварзанд. Ҳамрохон Зарифӣ рӯзҳои мусофираташ дар Париж бо вазирони корҳои хориҷии баъзе мамлакатҳо мулоқот хоҳад кард. Вай имрӯз 17 сентябр дар маросими додани унвони «Ҳунарпешаи ҷаҳон» ба муҷассамасози тоҷик Амриддин Аминов ширкат меварзад, ки дар Париж кору зиндагӣ мекунад.