ЗАРАРИ ТӮФОНИ БАҲРӢ БА ЧИН

Пекин, 26 сентябр. (АМИТ «Ховар» — ИТАР- ТАСС ).- Тавре хабар дода шуда буд, шабонарӯзи гузашта тӯфони баҳрии «Хагупит» тамоми ҳудуди вилоятҳои ҷанубии Чинр фаро гирифт. Бар асари он танҳо дар вилояти Гуандун се нафар ҳалок гардида, ду нафари дигар бе ному нишон гум шуд. Суръати вазиши шамол дар ин вилоят дар як соат ба 200 километр расид. Дар натиҷаи тӯфон ҳашт ҳазор иморат хароб гардида, бештар аз 180 ҳазор гектар ғаллазор нобуд гардид. Инчунин дар давоми туфон 870 корхона аз кор монд. Маблағи зарари тӯфон зиёда аз 800 миллион долларро ташкил медиҳад.