АЗ ДУ ҲАВОПАЙМОИ ДУШАНБЕ — МОСКВА ЗИЁДА АЗ ЯК КИЛОГРАММ ГЕРОИН МУСОДИРА ГАРДИД
Душанбе, 3 октябр. (АМИТ «Ховар», Мавҷуда Давлатзода).- Кормандони гумруки майдони ҳавоии шаҳри Душанбе сокини ноҳияи Хуросони вилояти Хатлон Алибек Куканбекови 46- соларо дастгир карданд, ки мехост бо ҳавопаймо аз Душанбе ба Москва қариб як килограмм маводи нашъадорро барад. Аз маркази матбуоти Хадамоти гумруки назди Ҳукумати Ҷумҳурии Тоҷикистон ба мухбири АМИТ «Ховар» хабар доданд, ки аз бағоҷи А. Куканбеков як халтаи селофанӣ қурут ёфт шуд. Дар дохили қурутҳо моддаи нашъадори героин ҷой карда шуда буд, ки вазни холиси он 998 грамро ташкил медиҳад. Ҳамчунин дар майдони ҳавоии Душанбе сокини ноҳияи Ёвон Назокат Саъдиеваи 38-сола дастгир карда шуд. Табибон аз меъдаи ӯ 29 ғилофаки селофании героиндорро хориҷ карданд. Вазни холиси маводи нашъадори аз меъдаи ӯ хориҷкардашуда 145 грамро ташкил медиҳад. Вобаста ба ин нисбати Алибек Куканбеков ва Назокат Саъдиева парвандаи ҷиноӣ оғоз карда, барои тафтиш ба прокуратураи нақлиёти Ҷумҳурии Тоҷикистон фиристода шуд.
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
