БЕҲДОШТИ ВАЗЪИ ИҶТИМОИИ ИШТИРОКЧИЁНИ ҶАНГҲО
Душанбе, 15 октябр. (АМИТ «Ховар», Марзия Саидова).- 15 октябр вакилони палатаи поёнии парлумони мамлакат қарор дар бораи дар соли 2008 маблағгузорӣ намудани нақшаи чорабиниҳо оид ба татбиқи Консепсияи рушди асосҳои иҷтимоию тиббии беҳтаргардонии вазъи зиндагӣ ва пешгирии гум кардани қобилияти кории ветеранҳои ҷангҳо- иштирокчиёни муноқишаҳои маҳдуд, амалиёти сулҳҷӯёна ва қурбониёни терроризм дар давлатҳои аъзои Иттиҳоди Давлатҳои Мустақил дар солҳои 2006-2010-ро қабул карданд. Вазири меҳнат ва ҳифзи иҷтимоии аҳолии ҷумҳурӣ Шукурҷон Зуҳуров зимни тавзеҳи масъалаи мазкур гуфт, ки ин Консепсия тибқи қарори Шӯрои Иттиҳоди Давлатҳои Мустақил соли 2006 дар шаҳри Душанбе қабул карда шудааст. Самти асосии он барои беҳтар намудани вазъи иҷтимоӣ, хусусан беҳбуд бахшидани вазъи саломатӣ, зарурати пизишкӣ ва бо кор таъмин намудани ветеранҳои ҷангҳо, иштирокчиёни муноқишаҳои маҳдуд, амалиёти сулҳҷӯёна ва қурбониёни терроризм нигаронида шудааст. Инчунин дар доираи Консепсияи мазкур таҳияи барномаи давлатии ҳифзи иҷтимоии ветеранҳои ҷангҳо, таҳияи барномаҳои гуногуни мақсаднок барои беҳдошти вазъи иҷтимоии онҳо пешбинӣ мешавад.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
