БОНКИ МИЛЛИ ҚАРЗИ ХБА-РО ТО МОҲИ ФЕВРАЛИ 2009 ПУРРА БАРМЕГАРДОНАД

               Душанбе. 23 октябр.(АМИТ «Ховар», Покиза Маҳмадбекова). — «Бонки миллии Тоҷикистон бо иқтидори худ имрӯз метавонад ба он сохторҳое, ки ба вазъи ногувор дучор шаванд, кӯмак расонад. Мо омодаем, ки қарзи Хазинаи байналмилалии асъорро баргардонем», — гуфт зимни нишасти матбуотӣ Раиси Бонки миллии Тоҷикистон Шариф Раҳимзода.               Ӯ афзуд, ки аз 47 миллион қарзи Хазинаи байналмилалии асъор, мо имрӯз 15 миллионашро баргардонидем ва мӯҳлати баргардонидани пурраи маблағи дигар то моҳи феврали 2009 дар назар дошта шудааст.              «Бонки Миллии Тоҷикистон бонки фоидагир нест, мақсадаи бонк таъмири устувори қобилияти пули миллӣ аст. БМТ бояд кӯшиш кунад, ки таваррум боло наравад. Тавре маълум аст қурби пули миллӣ устувор шуд. Дар ин давра мо тахминан 210 миллион доллар аз муомилот гирифтем. Ва ин маблағро барои карзҳое, ки БМТ гирифта буд, пардохт намудем. Имрӯз захираҳои Бонки мазкур тахминан 180 милионро ташкил мекунанд. Вазъи имрӯзаи молиявии БМТ нисбат ба ҳамин давраи охири соли гузашта нисбатан хуб аст.