«БОНКИ РУШДИ ТОҶИКИСТОН» – БОНКИ АВВАЛИНИ ТОҶИКИСТОН, КИ БА АЪЗОГИИ ВАСЕЕ ШОМИЛ ШУД

               Душанбе, 15 октябр. (НИАТ «Ховар», Покиза Маҳмадбекова). -Байни Ассосиатсияи Бонкии мамлакатҳои Авропаи Марказию Шарқӣ ва Ҷамъияти саҳомии пӯшида (ҶСП) «Бонки рушди Тоҷикистон» аҳднома оиди ҳамкорӣ ба имзо расид. Бояд қайд намуд, ки ҶСП «Бонки рушди Тоҷикистон» аввалин Бонки Тоҷикистон аст, ки ба аъзогии ВАСЕЕ қабул шуд.               Шомил шудани ҶСП «Бонки рушди Тоҷикистон» ба аъзогии ВАСЕЕ вусъатёбӣ ва таҳкими муносибатҳои кориро байни бонкҳо-аъзоҳои Ассосиатсияи Бонкии мамлакатҳои Авропаи Шарқӣ ва Марказӣ, гузаронидани чорабиниҳои муштарак, табодули таҷрибаи бадастомада ва маълумот оиди навовариҳо дар ташкил додани фаолияти бонкӣ дар бозори молиявӣ ва арзии мамлакатҳои чун аъзои ВАСЕЕ муаррифишударо, дар назар дорад. Ғайр аз ин, аъзои ВАСЕЕ будани Бонк дастрасӣ ба манбаҳои маблағҳои ҷалбшавандаи бозори беруниро осон менамояд.              ВАСЕЕ соли 1996 таҳсис ёфта, мақсади он густариш додани муносибатҳои бонкҳо-аъзоҳоро бо ширкатҳои молиявии Аврупои Марказӣ ва Шаркӣ мебошад.