ФАЪОЛИЯТИ СОЗМОНИ ХОРИҶИИ ДИНИИ «ШОҲИДОНИ ЯҲВО» МАНЪ КАРДА ШУД

Душанбе, 2 октябр. (НИАТ «Ховар», Мавҷуда Давлатзода).- Дар Суди ҳарбии гарнизони шаҳри Душанбе баррасии парвандаи шаҳрвандии нисбати созмони динии амрикоии «Шоҳидони Яҳво» кушодашуда дар масъалаи дастгир шудани адабиёти ди-нии ин созмон дар ҳаҷми қариб 500 ҳазор нусха аз тарафи мақомоти амнияти миллӣ, хадамоти гумрук ва Вазорати фарҳанги Ҷумҳурии Тоҷикистон ба охир расид. Бояд гуфт, ки ин созмони динӣ барои риоя накардани қонунҳои Ҷумҳурии Тоҷикистон пеш аз ин чандин маротиба огоҳонида шуда, фаъолияти он ба мӯҳлати се моҳ боздошта шуда буд. Сарварону пайравони равияи динии «Шоҳидони Яҳво», ки асосан аз хориҷи кишвар кӯмаку дастгири мегиранд, тӯли солҳои охир дар минтақаҳои гуногуни ҷумҳурӣ ғайриқонунӣ ба паҳн намудани адабиёти динии барои мардуми мо бегона ва ташвиқу тарғиби ақидаҳои барои мафкураи сокинони маҳаллӣ хатарноки ифроти машғул буданд. Аз Маркази робитаҳои ҷамъиятии Кумитаи давлатии амнияти миллии Ҷумҳурии Тоҷикистон ба мухбири АМИТ «Ховар» хабар доданд, ки суди ҳарбии гар-низони шаҳри Душанбе даъвои созмони динии «Шоҳидони Яҳво»-ро ҳаматарафа бар-раси карда бо назардошти хавфу хатари фаъолияти он барои ҷомеа ва амнияти давлатӣ даъвои онро рад намуд ва қарори ҳайати мушовараи Вазорати фарҳанги Ҷумҳурии Тоҷикистон аз моҳи октябри соли 2007 оид ба манъ карда шудани фаъолия-ти «Шоҳидони Яҳво» дар қаламрави Ҷумҳурии Тоҷикистон дастгири кард.