ИСТЕҲСОЛИ МАСУЛОТ ДАР ҶУМҲУРИ РУ БА АФЗОИШ

            Душанбе, 22 октябр. (АМИТ «Ховар», Покиза Маҳмадбекова). — Маҳсулоти умумии кишоварзӣ дар 9 моҳи соли равон нисбат ба ҳамин давраи соли гузашта 7,7 фоиз зиёд шудааст. Боркашонӣ дар тамоми намудҳои нақлиёт 19,8 фоиз, хизматрасонии пулакӣ дар ҳамаи соҳаҳои хизматрасонӣ 19,9 фоиз афзудааст, — гуфт зимни нишасти матбуотӣ муовини аввали раиси Кумитаи омори Ҷумҳурии Тоҷикистон Бахтия Муҳаммадиева.             Ӯ ҳамчунин қайд кард, ки имрӯз дар ҷумҳурӣ аксари корхонаҳои саноатӣ нисбат ба ҳамин давраи соли гузашта маҳсулоти зиёд истеҳсол кардаанд. Аз ҷумла, ангишти бӯр, ангиштсанг, нафт, мазут, истеҳсоли трансфарматорҳои барқӣ, маснуотӣ фулузӣ ва пластикӣ, аммиаки синтетикӣ, нуриҳои маъданӣ, пойафзоли резинӣ, маводи деворбоб, газвориҳои пахтагин ва абрешимӣ, пойафзол, ҳасиб, консерва, нӯшокиҳои ғайриспиртӣ ва сигор, зиёд истеҳсол шудааст.            Дар ин муддат афзоиши нархҳои истеъмолии молҳои озукаворӣ, аз ҷумла биринҷ, пиёз, шир, гӯшт, консерваҳои сабзавотӣ, орд, нахӯд, мош, қаймоқ, шарбатҳои мевагӣ ва сабзавотӣ, моҳии зинда, гӯшти мурғи хонагӣ, маҳсулоти макаронӣ, шакар, конфетҳои шоколадӣ, оби маъданӣ, картошка, чой ва арақ ба назар мерасад. Зимнан нархи ангур, себ, кабудӣ, равғани пахта ва тухм арзон шуд.