ПЕШРАВИҲОИ СОХТМОНЧИЁНИ ҶУМҲУРӢ

              Душанбе, 20 октябр. (АМИТ «Ховар», Мавзуна Бойева). — Дар Агентии сохтмон ва меъмории назди Ҳукумати Ҷумҳурии Тоҷикистон бо намояндагони воситаҳои ахбори омма нишасти матбуотӣ доир гардид. Дар он директори агентӣ Абдувалӣ Комилов дар бораи бурду бохти агентӣ дар 9 моҳи соли ҷорӣ ва нақшаву вазифаҳои он дар соли оянда маълумот дод.              Мавсуф аз ҷумла, зикр намуд, ки дар давоми нӯҳ моҳи соли ҷорӣ ҳаҷми корҳои иҷрошуда дар пажӯҳишгоҳҳои лоиҳакашӣ ва ҷустуҷӯию тадқиқотӣ беш аз 6,2 миллион сомониро ташкил дод , ки нисбат ба ҳамин давраи соли 2007-ум 2,3 миллион сомонӣ бештар аст.             Мутахассисони агентӣ дар ин муддат лоиҳаи бинои Вазорати корҳои хориҷии Ҷумҳурии Тоҷикистон, азавсозии Боғи истироҳатии «Пойтахт-80», бинои истиқоматӣ дар кӯчаи Назаршоеви шаҳри Душанбе, ду бинои истиқоматӣ дар кӯчаи Спортивная пойтахт, таъмири театри ба номи М.Назаров дар шари Хоруғ, сохтмони Донишгоҳ ва хонаи истиқоматӣ барои омӯзгорон дар ноҳияи Данғара, сохтмони Кохи Ҷавонон дар шаҳри Хоруғ, барқароркунӣ ва таҷҳизонидани бинои Донишгоҳи далатии тиббии Тоҷикистон ба номи Абуалӣ ибни Сино, ду бинои истиқоматии 2-ошёнаи 20-ҳуҷрагӣ воқеъ дар ноҳияи Ҷиргатол ва ғайра. Дар охир, намояндагони воситаҳои ахбори оммаи дохиливу хориҷӣ ба саволҳои сершумори худ аз масъулини агентӣ ҷавобҳои мушаххас гирифтанд.