САРШУМОРИ ҲАЙВОНОТ ЗИЁД ШУД

Душанбе, 6 октябр.(АМИТ «Ховар». Лаззат Диловарзод).- Дар Раёсати чорводории Вазорати кишоварзӣ ба мухбири АМИТ «Ховар» иброз доштанд, ки дар нимсолаи аввали соли ҷорӣ нисбат ба ҳамин давраи соли гузашта дар ҳамаи шаклҳои хоҷагидорӣ саршумори чорвои калон-260529 сар, аз ҷумла модагов 137092 сар, бузу гӯсфанд-613677 сар ва парранда 842041 сар зиёд гардидааст. Бо мақсади муташаккилона гузаронидани маъракаи наслгирӣ фармони вазорат аз 1 феврали соли 2008 ба тасвиб расонида шудааст. Дар ин муддат дар хоҷагиҳои давлатӣ ва деҳқонӣ (фермерӣ) 18 ҳазору 3 сар гӯсола гирифта шудааст, ки ба ҳар сад сар модагов 39 сар гӯсола рост меояд. Инчунин аз моли майда 278415 сар барраю бузғола гирифта шуд, ки ба 100 сар бузу гӯсфанд 85 сар барраю бузғола рост меояд.