САРВАЗИРИ ҚАЗОҚИСТОН БА ТОҶИКИСТОН ТАШРИФ МЕОРАД

Душанбе, 2 октябр. АМИТ «Ховар», Наргис Бойахмедова).- Аз вазорати корҳои хориҷии ҷумҳурӣ ба АМИТ «Ховар» хабар доданд, ки сарвазири Ҷумҳурии Қазоқистон Карим Масимов 23 октябр барои боздиди расмии дурӯза ба Тоҷикистон хоҳад омад. Вай зимни сафар бо роҳбарони баландпояи ҷумҳурии мо мулоқотҳои судманд анҷом медиҳад. Дар ҷараёни сафари Сарвазири Қазоқистон маҷлиси навбатии комиссияи байниҳукуматии ҳамкории иқтисодии ҳар ду мамлакат баргузор мегардад. Дар фарҷоми сафар имзои силсилаи ҳуҷҷатҳо ба нақша гирифта шудааст. Аз сафоратхонаи Қазоқистон дар Душанбе ба АМИТ «Ховар» хабар доданд, ки дар доираи сафари К. Масимов рӯзҳои фарҳанги Қазоқистон дар Тоҷикистон гузаронида хоҳанд шуд .