ҲАМКОРИИ ДАВЛАТҲОИ ИДМ ДАР ТАФТИШИ ФАЛОКАТҲОИ ҲАВОПАЙМОҲО

        Душанбе, 28  ноябр. (АМИТ «Ховар»,  Наргис  Бояхмедова). –Дар  пойтахти  Белорусия —  Минск   маҷлиси  гурӯҳи   коршиносони  ИДМ баргузор  мегардад. Дар он  лоиҳаи  созишномаи  такмилдодашудаи  ҳамкории мамлакатҳои  аъзои  Иттиҳоди  Давлатҳои  Мустақил  дар  тафтиши  фалокатҳои  ҳавопаймоҳо  мувофиқа  карда  хоҳад  шуд. Аз  дафтари  матбуоти  Кумитаи  иҷроияи   ИДМ   ба  АМИТ «Ховар»  хабар  доданд, ки  созишнома  муносибати  ягонаи  мамлакатҳои  ИДМ – ро   дар  бобати  ташкили  тафтиши  фалокатҳои ҳавоӣ  новобаста   ба  маҳалли  рух  додани онҳо  пешбинӣ  менамояд. Ҳадафи  тафтиши  чунин  фалокатҳо  муқаррар  намудани  сабабҳои он ва  таҳияи  тавсияҳои  аз  рӯи  натиҷаҳои тафтиш  мебошад. Қайд  карда  мешавад, ки  ҳар гуна мурофиаи  судӣ ё  маъмурӣ бо  мақсади  муайян  кардани  гунаҳкорон  ба  таври  алоҳида  гузаронида мешавад.