ҲОСИЛИ БАЛАНД ВОБАСТА АЗ КОРҲОИ ХУБИ АГРОТЕХНИКИСТ

Душанбе, 7 октябр. (АМИТ  «Ховар»,  Лаззат Диловарзод).- Бино ба гуфтаи сардори Раёсати растанипарварии Вазорати кишоварзӣ Сайидмурод Баҳриддинов, то 3 – юми  ноябри соли ҷорӣ ҳосили умумии ғалладона дар вилоятҳои ҷумҳурӣ ба 418 ҳазору 181 тонна расонида шудааст, ки ин нисбат ба ҳамин давраи соли гузашта 524 тонна зиёд мебошад.                Дар даҳ моҳи соли 2008  ғаллаи истеҳсолкардашудаи вилояти Мухтори Кӯҳистони Бадахшон ба 8754 тонна расонида шудааст, ки нисбат ба ҳамин давраи соли 2007 ба андозаи 1110 тонна кам аст.                 Дар вилояти Суғд дар ин муддат 66 ҳазору 333 тонна ҳосили ғалладона ҷамъоварӣ карда шудааст, ки нисбати соли гузашта 30 ҳазору 988 тонна камтар аст.                Дар вилояи Хатлон бошад, баръакс, соли ҷорӣ ба миқдори 238 ҳазору 170 тонна ва дар ноҳияҳои тобеи ҷумҳурӣ  104 ҳазору 894 тонна ғалла ҷамъоварӣ карда  шудаааст, ки дар маҷмӯъ  нисбат ба соли гузашта ба миқдори 32 ҳазору 622 тонна зиёд мебошад.Ин аз самаранок истифода шудани замин ва гузаронидани корҳои хуби агротехникӣ дар ин минтақаҳои ҷумҳурӣ  дарак медиҳад.