794 ҲАЗОР СОМОНӢ КӮМАКПУЛӢ БА 1964 ШАҲРВАНДИ БЕКОР

Душанбе, 11 ноябр. (АМИТ  «Ховар», Лаззат Диловарзод).- Тибқи маълумоти Кумитаи давлатии омор, дар давоми нӯҳ моҳи соли ҷорӣ ба 1964  нафар шаҳрванди бекори дар қайдбуда оид ба бекорӣ  ба маблағи 794  ҳазор сомонӣ кӯмакпулӣ   пардохт гардид. Шумораи аҳолии дар иқтисодиёт фаъол дар нӯҳ моҳи соли 2008  бештар аз 2,2 млн. нафарро ташкил дод, ки аз он 2 млн. 53 ҳазору 300 нафарашон дар соҳаи иқтисодиёт машғули коранд. Дар давоми соли равон 48 ҳазору 300 нафар шаҳрванд ба таври расмӣ мақоми бекорро гирифтанд. Аз ин лиҳоз, шумораи бекорони расмӣ 2,3 фоизи аҳолии дар иқтисодиёт фаъолро ташкил медиҳад.