96 ФОИЗИ ТУХМӢ БА ФОНДИ БОЗГАШТ БАРГАРДОНИДА ШУД

         Душанбе, 28 ноябр. (АМИТ «Ховар», Лаззат Диловарзод).-Тибқи маълумоти фаврии Раёсати тухмипарварӣ ва дастовардҳои селексионии Вазорати кишоварзӣ, захираи тухмии зироатҳои кишоварзӣ ва фонди бозгашти гандуми тухмӣ дар хоҷагиҳои кишоварзии ҷумҳурӣ зиёда аз 47 тоннаро ташкил мекунад.Айни замон, дар ҷумҳурӣ 45 ҳазору 150 тонна гандуми тухмӣ   аз фонди бозгашт барои гузаронидани кишти тирамоҳии соли ҷорӣ ва кишти баҳории соли 2009 захира карда шудааст, ки баробари 96 фоизи нақшаи пешбинишуда мебошад. Ба ақидаи мутахассисони соҳа, ин миқдори захирашудаи тухмӣ барои гузаронидани кишт дар масоҳати 225 ҳазор гектар басанда аст.