АЗ ҲИСОБИ БУҶА 95,5 ТОННА ГАНДУМИ «КРАСНОДАР» ХАРИДОРӢ ШУД

            Душанбе, 18 ноябр. (АМИТ «Ховар», Лаззат Диловарзод).- Бино ба иттилои сардори Маркази матбуот ва иттилооти Вазорати кишоварзӣ Нарзулло Додобоев, Вазорати кишоварзӣ аз Кооперативи истеҳсолии Латиф Муродови ноҳияи  Ҳисор аз ҳисоби маблағи буҷа 95,5 тонна тухмии гандуми навъи «Краснодар» харидорӣ намуда, бо мақсади зиёд кардани захираи тухмӣ онро ба хоҷагиҳои тухмипарвари ҷумҳурӣ тақсим намуд. Дар навбати аввал ин тухмӣ ба хоҷагиҳои ноҳияҳои Б.Ғафуров ба миқдори 14 тонна, Ғончӣ -10, Шаҳристон- 10, Айнӣ -11, Панҷакент-8, Истаравшан- 6, Раёсати кишоварзии вилоят- 21,  ноҳияи Тавилдара -15 ва ба хоҷагии деҳқонии Ғулом Мирзои ноҳияи Ҳисор ба миқдори 0,5 тонна барои кишти тирамоҳӣ тақсим карда дода шуд. Дар рӯзҳои наздик тақсимоти тухмӣ ба ноҳияҳои вилояти Мухтори Кӯҳистони Бадахшон сар мешавад.