БА КОРМАНДОНИ ҲИФЗИ ИҶТИМОӢ ЁРИИ МЕТОДӢ РАСОНИДА ШУД

          Душанбе, 25 ноябр. (АМИТ «Ховар», Лаззат Диловарзод). – Дар  Сарраёсати  ҳифзи  иҷтимоии  аҳолии  вилояти  Суғд   бо  иштироки   сардорони  раёсат  ва  сармутахассисони  шӯъбаҳои  ҳифзи  иҷтимоии шаҳру  ноҳияҳо  семинар   доир  гардид.   Семинар  роҷеъ  ба  иҷрои  фармони  Вазири  меҳнат ва  ҳифзи  иҷтимоии  аҳолии  ҷумҳурӣ «Дар  бораи   тадбирҳои  қарори  Ҳукумати  Ҷумҳурии  Тоҷикистон  аз  2 — юми июли соли 2008» баргузор   шуд. Кормандони  Сарраёсати ҳифзи  иҷтимоии  вилоят бо мақсади   расонидани  ёрии методӣ  ба  шӯъбаҳои  ҳифзи  иҷтимоии  аҳолӣ аз    шаҳри  Хуҷанд,  ноҳияи  Бобоҷон  Ғафуров,  Ҷаббор  Расулов,  шаҳри  Конибодом,  Исфара ва  шаҳри Истаравшан  дидан  карданд.