БАРРАСИИ ПАРВАНДАИ Ҳ. ИСРОИЛОВ ДАР СУДИ КОНСТИТУТСИОНӢ

Душанбе, 11 ноябр. (АМИТ «Ховар», Анварбек Сиддиқов).- 11-уми ноябр Суди Конститутсионии Ҷумҳурии Тоҷикистон парвандаро аз рӯи дархости шаҳрванд Ҳисомуддин Исроилов мавриди баррасӣ  қарор дод.  Номбурда дар бораи муайян намудани мутобиқати банди 17-и моддаи 1-и Қонуни Ҷумҳурии Тоҷикистон аз 20-уми марти соли 2008 «Оид ба ворид намудани тағйиру иловаҳо ба Қонуни  Ҷумҳурии Тоҷикистон «Дар бораи ҳаракати роҳ», банди 1-и Қарори Ҳукумати Ҷумҳурии Тоҷикистон «Оид ба ворид намудани тайғиру иловаҳо ба баъзе қарорҳои Ҳукумати Ҷумҳурии Тоҷикистон» аз 1-уми апрели соли 2008, қисми 3-и моддаи 10, қисми 2-и моддаи 14 ва қисми 2 моддаи 32-и Конситутсияи Ҷумҳурии Тоҷикистон дархост супорида буд.Дар баррасии парвандаи мазкур судяҳои Суди Конститутсионӣ,  намояндагони ваколатдори Дастгоҳи иҷроияи Президенти Ҷумҳурии Тоҷикистон, Маҷлиси намояндагон ва Маҷлиси Миллии ҷумҳурӣ,  Прокуратураи генералӣ, ВКД-и кишвар иштирок намуданд, ки натиҷаҳои он пагоҳ маълум хоҳад шуд.