БО ИҶОЗАТИ ҒАЙРИҚОНУНИИ ҲОКИМИЯТИ МАҲАЛЛӢ БИНО СОХТАНД
Душанбе, 27 ноябр. (АМИТ «Ховар», Мавзуна Бойева). — Нақшаи генералии маркази ноҳияи Дарвоз соли 1975 аз тарафи Пажӯҳишгоҳи лоиҳасозии «Гипрострой» дар масоҳати 12 га таҳия шудааст. Афзуншавии аҳолӣ ва рушди шаҳрсозиро ба инобат гирифта, соли 1985 ҳамин пажӯҳишгоҳ дар мавзеи Дашти Лучи ноҳия нақшаи генералиро дар масоҳати 80 га таҳия карда буд. Вале соли 1992 сохтмони он қатъ гардид. Имрӯзҳо қад-қади шоҳроҳи Душанбе-Хоруғ аз ҷониби шаҳрвандон бе лоиҳа, вале бо иҷозати ғайриқонунии Мақомоти иҷроияи маҳаллии ҳокимияти давлатии ноҳия дӯкону мағозаҳои хусусӣ сохта шудааст. Бояд зикр намуд, ки дар Дашти Луч бе хулосаи ташхиси лоиҳа сохтмони канал идома дорад. Сохтмони Қасри фарҳанги ноҳия бе хулосаи мусбати давлатии лоиҳа ва бе иҷозатномаи назорати сохтмонӣ оғоз карда шудааст. Сохтмони Маркази саломатӣ дар деҳаи Ширги ноҳия низ бе ташхиси лоиҳа, бе таҳкурсии мувофиқ ба меъёрҳои сохтмонӣ оғоз гардидааст.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
