ДАР БРИТАНИЯИ КАБИР НИКОҲИ МАҶБУРӢ МАНЪ КАРДА ШУД

         ЛОНДОН. 27  ноябр. (АМИТ «Ховар» — Евронюс»). –  Дар  Британияи  Кабир қонуне  қабул  шуд, ки  никоҳи  маҷбуриро  манъ  менамояд. Мувофиқи  қонун  падару  модароне, ки   фарзандонашонро  маҷбуран  хонадор  мекунанд,  ба  ҷавобгарии  ҷиноӣ  кашида,  ба  мӯҳлати  то  ду  сол  аз  озодӣ  маҳрум  карда  мешаванд.       Бояд  гуфт, ки   никоҳи  маҷбурӣ  дар  байни  мусулмонони  сокини  Британияи  Кабир ба  ҳукми  анъана  даромадааст. Дар  давоми  соли  равон  ба  политсия   дар  бораи  никоҳи  маҷбурӣ  зиёда  аз 1,5  ҳазор  ариза  ворид  гардид. Вақтҳои  охир  таваҷҷӯҳи  ҷомеа   ба   воқеаҳои  худкушӣ  бар  асари  никоҳи  маҷбурӣ  ҷалб  гардидааст.        Одатан  ҷавононе, ки  маҷбуран  издивоҷ  мекуннд,  аз болои  волидонашон  ба  политсия  шикоят  намекунанд. Вале  онҳо  ниҳоят  бадбахтанд.  Бинобар ин  бисёр  вақт  ба  ҷони  худ  қасд  мекунанд.Ҷавонони  миллатҳои  дигар,  аз  ҷумла,  мусулмонон, ки  дар  Британияи  кабир  таваллуд  шуда,   ба камол  расидаанд,   аз  анъанаҳои  никоҳи  маҷбурӣ  торафт  бештар  даст  мекашанд. Дар  ин  бобат   мақомоти  муҳофизи  қонун  ба онҳо  кӯмак  мерасонанд.