ДАР ИТТТИФОҚИ НАВИСАНДАГОН «ДИДОР»-И АТО ҲАМДАМРО ДИДАНД

        Душанбе, 27 ноябр. (АМИТ «Ховар», Лутфия Эшонқулова). – Дар Иттифоқи нависандагони Тоҷикистон китоби нави Ато Ҳамдам таҳти унвони «Дидор» муаррифӣ карда шуд. Бояд зикр намуд, ки китоби мазкур аллакай дар озмуни байналхалқии «Ҳусни китоб», ки ба наздикӣ дар шаҳри Маскав доир гардид, аз байни 250 китоб ба дарёфти ҷои 3-юм мушарраф шуда буд. Китоби мазкур асарҳои саҳнавии дар солҳои охир эҷодкардаи Ато Ҳамдамро дар бар мегирад.        Тавре ба мухбири АМИТ «Ховар» худи нависанда изҳор намуд, ӯ умед дорад, ки ояндаи наздик асарҳои саҳнавии эҷоднамудаашро дар саҳнаи театр хоҳад дид.       Нахустин песаи ӯ «Шаҳидони роҳи озодӣ» ном дошта, соли 1964 навишта шудааст. Ватанпарастии ӯ аз асарҳояш ҳувайдо буда, мазмуну моҳияти фалсафиро дорост. Асарҳои драммавии ӯ — «Роҳи дилҳо», «Пеш аз борон», «Шоҳроҳи абрешим» аз ҷумлаи ин асарҳоянд.