ДАР ТОҶИКИСТОН ДАСТАИ МУНТАХАБИ ЗАНОН ОИД БА ФУТБОЛ СОЗМОН ДОДА ШУД

          Душанбе, 4 ноябр. (АМИТ «Ховар», Пайрав Назаров). – Дастаи мунтахаби  футболи занонаи  Ҷумҳурии Тоҷикистон дар мусобиқоти байналмилалӣ оид ба футбол барои ба  даст овардани Ҷоми «Надежда», ки дар шаҳри Бишкеки Ҷумҳурии Қирғизистон доир мегардад, ширкат хоҳад кард. Тавре ба АМИТ «Ховар» дар Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд, бо мақсади тарғиби футбол байни занҳо, муайян намудани дастаи мунтахаби Ҷумҳурии Тоҷикистон Кумита ва дигар  сохторҳои марбута корҳои пурсамарро ба анҷом расониданд.  Дастаи мунтахаби мазкур дар оянда ҷумҳурии моро дар мусобиқоти байналмилалӣ муаррифӣ хоҳад кард.