ДАР ЁВОН ЗИЁДА АЗ 2 ҲАЗОР ШАҲРВАНД БА КОР ТАЪМИН МЕШАВАНД

       Душанбе, 21 ноябр. (АМИТ «Ховар», Лаззат Диловарзод).- Дар Вазорати энергетика ва саноат ба мухбири АМИТ «Ховар» иттилоъ доданд, ки ширкати «Хима»-и Тоҷикистон дар ҳамкорӣ бо ширкати итолиёвии «Тексита» дар ноҳияи Ёвон ба сохтмони корхонаи калонтарини ресандагӣ- бофандагӣ шурӯъ карданд.      Тибқи нақшаи сохтмонӣ, ҳангоми бо иқтидори пурра ба кор даровардани корхона бештар аз 4 ҳазор тонна нахи пахта коркард мешавад. Дар назар аст, ки дар чанд сехи он дӯхтани либосҳои мардонаю занона низ ба роҳ монда шавад.       Дар навбати аввали ба кор даромадани корхона бештар аз 2 ҳазор шаҳрванди ҷумҳурӣ ба кор таъмин мегарданд.