ДЕГХОНАИ «ҒАРБӢ» МУШКИЛОТИ БИНОҲОИ БАЛАНДОШЁНАРО ҲАЛ ХОҲАД КАРД

       Душанбе, 19 ноябр. АМИТ «Ховар», Марзия Саидова).-Алҳол Маркази истеҳсоли барқу гармидиҳии шаҳри Душанбе бинобар норасоӣ ва камбуди гази табиӣ ҳамагӣ ба миқдори 50 фоизи нақшаи пешбинишуда гармӣ истеҳсол мекунад, — зикр шуд дар ҷаласаи мақомоти иҷроияи ҳокимияти давлатии шаҳри Душанбе.        Ин ҳолати мавҷуда дастрасии нақшавии иншоот ва биноҳои бо оби гарм таъминшавандаи пойтахтро коҳиш медиҳад. Корҳои таҷдидии дегхонаи «Ғарбӣ»-и Марказ ҷиҳати гузаронидани фаъолияти он ба сӯзишвории моеъи сунъии композитии ангиштӣ шурӯъ гардида, истифодаи ҳарчи бештари он мушкилоти биноҳои баландошёнаи ноҳияи Синоро ҳал хоҳад кард.