ГВАРДИЯИ МИЛЛИИ ҶУМҲУРӢ СОҲИБИ ШИФОХОНА ШУД
Душанбе, 25 ноябр. (АМИТ «Ховар», Пайрав Назаров).- Субҳи имрӯз дар деҳаи Чоряккорони ноҳияи Рӯдаки маросими ба истифода додани шифохонаи ҳарбии Гвардияи миллии ҷумҳурӣ баргузор гардид. Мухбири АМИТ «Ховар» ёдовар мешавад, ки Гвардияи миллӣ то ҳол шифохонаи алоҳида надошт. Дар маросими ифтитоҳи шифохонаи ҳарбӣ Президенти Ҷумҳурии Тоҷикистон Эмомалӣ Раҳмон ширкат варзид. Вай ва ҳамроҳонаш ҳуҷраҳои табобатӣ ва ӯтоқҳои шифохонаро аз назар гузаронданд. Тамоми ҳуҷраҳои кории шифохона бо асбобу анҷоми навтарин таҷҳизонида шудаанд. Онҳоро Ҳукумати Ҷумҳурии Мардумии Чин ба шифохона тӯҳфа кардааст. Шифохонаи ҳарбӣ дорои 9 шӯъба, дорухона ва озмоишгоҳи махсус мебошад. Дар он якбора ба 120 хизматчии ҳарбӣ кӯмаки тиббӣ расонида мешавад. Дар шифохона духтурони касбӣ кор мекунанд. Шифохона 6 мошини сабукрави «Ёрии таъҷилӣ » ва 1 автобус дорад. Гвардияи миллии Тоҷикистон бевосита ба Президенти ҷумҳурӣ — Сарфармондеҳи олии Қувваҳои мусаллаҳи ҷумҳурӣ итоат карда, вазифаҳои мувофиқи қонун ба зимма гирифтаашро иҷро менамояд.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
